On the night of Sunday, July 31, the forces of a checkpoint in Lorestan province shot at a car. In this incident, two children named Metin and Mehdi Rashidi Manesh (9 and 13 years old) who were with their parents, were killed.
The parents of these two children were arrested while they were wounded, and there is still no information about their fate or even the reasons for their shooting and arrest.
Blind shooting and killing of Kurdish citizens and lack of trial and punishment of the murderers are common.
Every year, more than 200 Kurdish Kulbers are killed and wounded in the Kurdistan regions of Iran.
In the past few days, Amnesty International and Broumand Foundation announced that more than 250 people were executed in Iran in the first six months of this year, but if we add the number of Kulbers and Kurdish citizens killed, this number will be much higher.
The killing of Kurds and Kurdish citizens is like an extrajudicial execution, it is an open assassination of the Iranian regime.
These crimes against an ethnic minority are actually an attempt at genocide, the reason being that so far not a single person from the Iranian military has been arrested or tried for the murder of Kurdish citizens!

لەو دیو هەواڵێکەوە..

لەسێدارەدانی نافەرمی یان تیرۆری بەردەوامی دەوڵەت

ئەم دوو منداڵە بە ناوەکانی مەتین و مەهدی راشدی مەنش لەگەڵ دایک و باوکیان کە خەڵکی گوندێکی مەریوانن، لە ئۆتۆمبێلێکدابوون، لە نزیکی بازگەیەک لە سەر رێگەی خوڕەم ئاواوەی پارێزگای لوڕستان کەوتنە بەر دەستدڕێژی گولـلەی هێزەکانی ئێران و ژیانیان لەدەستدا.

باوک و دایکیشیان دەستگیرکراون و هۆکاری تەقەکردنە راستەوخۆکەش نەزانراوە.

هۆکارەکە هەرچییەک بێت گرنگ نییە، وەک زۆر تاوانی لە ئەژمارنەهاتووی دیکەی بە بێ هۆکار، گیانی مرۆڤەکان کێشراوە، وەک کوشتنی رۆژانەی کۆڵبەران و کاسبکاران لەسەر سنوورەکان، بەڵام بکوژان و تەقەکەران بێ لێپرسینەوە دەربازیان بووە.

لەم رۆژانەدا رێکخراوی لێبوردنی نێودەوڵەتی (ئەمنستی ئینترناشناڵ) و دامەزراوەی عەبدولرەحمان برومەند بە هاوبەشی رایانگەیاند، لە نیوەی یەکەمی ئەمساڵ زیاتر لە 250 کەس لە ئێران لە سێدارەدراون، لەوەشدا هەر کورد پشکی زۆری بەرکەوتووە.

لەسێدارەدان تەنیا یەکێک لە شێوەکانی گیانکێشانی مرۆڤەکانە، لەلایەن دەسەڵاتێک کە خۆی بە نوێنەری خودا دەزانێت لە سەر زەوی، تاوان و تیرۆرێکی دەوڵەتە، بەڵام لانیکەمی بەرگی یاسایی بە بەردا کراوە و بە پرۆسەیەکدا تێپەڕ دەبێت (هەرچەندە ئەوەش رەوایەتی بەو تاوانە نادات).

لەم لاوە کوشتنی دوو ئەو دوو منداڵە و سەدان و هەزاران کۆڵبەڕ لەسێدارەدنێکی نافەرمییە، تاوانێکە زۆر قێزەونتر لە لەسێدارەدان، لەوەش قێزەونتر لێنەپێچینەوە لە بکوژان و قوتاربوونیانە لە سزا.

کاتێک ئەو رووداوانەی کوشتن لە حاڵەتەوە ببنە دیاردە و بەرامبەر بە پێکهاتەیەکی نەتەوەیی، ئایینی و هتد بکرێن کە لە وڵاتێکدا بە کەمینە دادەنرێن، دەرگا بە ڕووی خوێندنەوەیەکی تر دەکاتەوە، ئەوەش تاوانێکی گەورەترە کە تاوانە بەرامبەر مرۆڤایەتی، واتە تاوانی سڕینەوە و لەناوبردنی خشکەیی ئەو پێکهاتەیە.

بۆیە گرنگە ئەو هەستیاریەی رێکخراوە نێودەوڵەتییەکان لەسەر دۆسیەی لەسێدارەدانەکان لە ئێران و وڵاتانی تر هەیانە، بە زیادەوە لەسەر ئەم جۆرە رشەکوژی و لەسێدارەدانی نافەرمی و بێ دادگاییەش هەیانبێت.

ئەمەش دەخوازێت کۆی تاوانەکان بە وردی و بە شێوەی بەڵگەمەند تۆمار بکرێن و بگەیەنرێنە ئەو رێکخراوانە.